Read طه الغريب by محمد صادق Online

طه الغريب

و لكم كثير احتقاراتي ..لكم يا من جعلتم الواقع واقعا ..و بأيديكم جعلتم الخيال خيالا ..و أنا لن أفعل شيئا سوي أن أغمض عيني و أتخيل ..لأنكم لا تستحقون أن أفتح عيني لكم لحظة .....

Title : طه الغريب
Author :
Rating :
ISBN : 9789774882635
Format Type : Paperback
Number of Pages : 256 Pages
Status : Available For Download
Last checked : 21 Minutes ago!

طه الغريب Reviews

  • Omar A.
    2018-11-12 13:15

    Review - طه الغريب ----------------------------أحب أبدأ بإنى أقولكوا السببين اللى خلّونى أشترى رواية طه الغريب السبب الأول : إنى قرأت هيبتا من فترة قصيرة .. و إكتشفت ساعتها ان فى كاتب مُبدع بجد اسمه محمد صادقالسبب التانى: الجُملة اللى مكتوبة على ظهر الغُلاف..***********************************ولكم كثير إحتقاراتى ..لكم يا من جعلتم الواقع واقعاً...و بأيديكم جعلتم الخيال خيالاً...و أنا لن أفعل شيئاً سوى أن أغمض عينى و أتخيّل ...لأكم لا تستحقون أن أفتح عينى لكم لحظة..***********************************هحاول إنى مادخلش فى تفاصيل الرواية منعاً لحرقها ..إللى خلّانى أحب الكاتب الجميل محمد صادق و أقول عليه من كُتّابى المُفضّلين إن لازم فى أى رواية من رواياته تلاقى حد فى الرواية شبهك !! .. تفاصيل التفاصيل بتاعتك ..! كأن الكاتب كاتب الرواية ليك أنت .. أنت بس ..!خلّصت الرواية فى قعده واحده .. و ندمت .. كان المفروض أقرأها ببطئ أكتر من كده ...بس الرواية كانت بتجرى منى و ماقدرتش أسيبها.. 4 ساعات متواصلة من القشعرة ..مش مصدّق نهاائى ان دى أول رواية لمحمد صادق بسبب اسلوبها.. اسلوب مش مُعقد و مش اسلوب ركيك جداً يخليك تمل من الرواية لكن اسلوب الكاتب كان مُبسّط لكنه عميق جداً ..اسلوب ياخدك فى عالم اللاواقع ..الرواية هتعيشها بطريقة رهيبة و مش هتعرف تخرج منها ..طه الغريب من الروايات اللى فعلاً لما قفلت اّخر صفحة فيها حسّيت انى هفتقد صديق عزيز عليّا جداً ..تسلسل الأحداث و ربطها مع بعض كان حاجة مُتقنة جداً ..التفاصيل .. التفاصيل اتناقشت ببراعة ,, خلّتنى أشوف كُل أحداث الرواية بتتجسد قدامى ..أحب أوجه كلمة أخيرة بس للرائع محمد صادقبعد زمن ليس بطويل أوى .. اسمك هيبقى من أشهر الأسماء فى الأدب العربى زى نجيب محفوظ و يوسف السباعى فى الاّخر عايز أقول كلمة أخيره .. و لكم كثير احتقاراتى لكم يا من قرأتم الريفيو ده و مش هتروحوا تجيبوا الرواية و تقرأوها :D

  • Nuha Ahmed
    2018-11-15 14:11

    لما لفيت على الريفيوهات لقيتها كلها تقييماتها عاليةمعرفش ده عيب مني ولا ايه ؟الرتم سريع لدرجة انك بتتسائل في الآخر هل دي في الآخر تنفع رواية ؟-الحوار اللي مكتوب بلغة عربية فُصحى وكلمات زي ابله\اوحشتني\وغد ؟-انا معنديش مشاكل الرواية تتكتب بلغة عربية فصحىلكن استخدام اللغة هنا ركيك جدا ومش ماشي في الحواركإن مراهق هو اللي بيستخدم اللغة ومش عارف يكتب إزاي----بعض المشاهد في الرواية اللي بتخليك تحس ان كاتب مراهق عنده 16 سنة هو اللي كاتبهايعني الرواية فعلا تصويرها ضعيف اوي..في بعض المشاهد تحس أنك بتتفرج على فيلم عربي ساذج مش بتقرأ رواية-وأخيرا الشخص اللي أتحشر في الرواية في الآخر "جلال باشا" جه منين وفين معرفشفجأة طلع لمجرد إنه الكاتب جائه إحساس إنه عاوز يموت البطل في الآخر ؟-___-اديتها نجمتين لبعض الجمل التي اعجبتنيخصوصا المكتوبة على الغلافواللي اشتريت الرواية بسببها تقريبا :)

  • دينا عماد
    2018-10-26 19:16

    انا جبت الرواية بعد ما سمعت عنها انها تتقرا على مرة واحدة وان كل اللى قراها عيطبدأت فيها وعندى احساس انى هكون مختلفة ولا هعيط ولا هخلصها على طول "مش عارفة جبت الاحساس ده منين"اولا مقدرتش اسيبها غير ع النوم او لما اقوم اعمل حاجة مهمة وخلصتها فى اقل من يوم متقطعكنت متألمة جدا وحزينة وانا بقراها بس معيطش...وجيت فى الاخر ومعرفش الدموع بقت تجرى ازاىفرحت انها مكنتش محروقة وانا بقراها زى ما حصل لى مع هيبتا فاستمتعت اكتركنت متغاظة جداااااااا من بعض شخصيات الرواية ومش هقول مين علشان الاحداث متتحرقشازاى الرواية اتأخرت شهرتها كده او بمعنى ادق هيبتا اللى شهرتهاالرواية رائعة وممتعة ومحمد صادق كاتب رائع ومن الكتاب القلائل اللى بيكتبوا رومانسية راقية ورقيقة كدهخلصت الرواية من 12 ساعة تقريبا ولسه حاسة انى جواهاانصح بقراءتها جدااااااااااا

  • Eslam Abd elkhalik
    2018-11-09 17:00

    من الحاجات القليله اللي كل شويه ابص على باق الورق و خايف ان الروايه تخلص لأنها خدتني في حاله مكنتش عايز اخرج منها .. بس للأسف خلصت في وقت قليل :(

  • Amira Mahmoud
    2018-11-17 15:01

    طه الغريبالمولود الأول لمحمد صادقوالأخت الكُبرى لهيبتا قرأتها بدافع الفضول , كُنت عاوزة اشوف العمل الأول اللى أغلب الكُتاب بيندموا أنه شاف النور وأتعرف على الأخت الكُبرى لهيبتا ( اللي جننت الناس خلاص :D )لكن قبل ما اقرأها وابدأ فيها قررت ان لازم حكمي عليها يكون بعيد تماماً عن هيبتا وان الريفيو بتاع طه الغريب يكون خاص بطه الغريب وبس ..لكن بعد ما قرأتها وانتهيت منها ,, القرار ده إتبخرو اكتشفت أنه غصب عني لازم هربط بين الروايتين في الريفيو ليه ؟!أولاً >> أسلوب الكتابة وعرض الأحداث هو نفسه في الروايتين ,, الكاتب بيجمع بين قصتين أو أكتر طول قراءتك بتكون فاكر إنهم مالهمش علاقة ببعض ,, ويفصل بينهم الكاتب بطريقة القطع الموازيوتكتشف ف الآخر إن القصتين مرتبطين تمام الارتباط ببعض وأنهم بيكملوا بعض ثانياً >> الروايتين متشابهين في إن هما الإتنين فيهم كمية مشاعر غزيرة جداًلكن الأختلافإن في هيبتا كانت المشاعر في اتجاه واحد بس وهو الحبلكن في طه الغريب ,, كانت المشاعر مُختلفة ومتنوعة بين الحب , والصداقة , والأخوة , والإخلاص , والمزيكا ( آه أنا بعتبر المزيكا مشاعر  )ثالثاً >> في طه الغريب قلّت شوية الجُمل الفلسفية , آه كانت موجودة لكن مش بغزارة زى ما كانت في هيبتا مثلاًرابعاً بقى ودي النقطة الخاصة بالخيال واللي واضح جداً إن الكاتب بيعتبر الخيال المادة الخام لروايته بس الخيال هنا كان مقبول شوية مقارنة بالقصص الخيالية الخرافية اللى كانت موجودة في هيبتاعجبتني جداً علاقة الصداقة اللي جمعت بين الأبطال ..مقتنعتش اوى بإخلاص طه الغريب ,, خصوصاً أنه كان حب مراهقة ( :D 17 سنة يا مفتري )راجل مخلص بالطريقة دي ,, شيء مش موجود في الوجود :Dالنهاية صدمتني ,, بس كانت نهاية ذكية نهاية مفتوحة ,, بس في نفس الوقت أنت عارفها أو متوقعهاساب أحداث وحاجات كتير أنت تستنتجها ورغم إن الأسلوب هنا مش ناضج اوي ,, لكن القصة نفسها والأحداث كانت كويسة جداً بالنسبة للعمل الأولمنتظرة بضع ساعات في يوماً ماوبالتوفيق للكاتبولكم كثير احتقاراتي :p (:D طه الغريب استايل )ريفيو هيبتا :)https://www.goodreads.com/review/show...

  • Jasmine
    2018-10-31 12:13

    رواية اقل ما يقال عنها انها روعة .... انا في الاغلب بعيط في الافلام بس لكن اني اعيط في الروايات كمان ديه حالة جديدة عليا وخصوصا ان والله العظيم ما بحبش الروايات الرومانسية .... بكرهها عما بس الرواية ديه فيها حاجة غريبة ... زي اسمها بالظبط .... تتعاطف مع طه تحبه وتكرهه يصعب عليك وتبقي عايز تمسكه تولع فيه .... بس في الاخر نتفق كلنا على انه انسان محطم ..... كان احمد مراد كتبها في رواية الفيل الازرق لما قال ان علاج القلب المحطم انه يتحطم مرة تانية .... بس انت حطمته هو كشخص ولما نلاقي اشجان كمان رجعت تحس ان كل اللي فيه ده كان ع الفاضي يصعب عليك اكتر وتبقى عايز تولع في بمزيج من الجاز والبنزين مع بعض ده لو لقيتهم يعني في السوق بس عشان تضمن انه مات ..... بس لما مات .... ياخرابي .... انا معيطتش كدة في تيتانك حتى .... رواية جمييييييييييييلة ..... بس مكانش حقك تموت طه .... عارف انت حسستني اني في فيلم SAW .... المعني النهائي من الرواية ان مفيش امل او مفيش فايدة على رأي الراحل سعد زغلول ..... كل اما تيجي تحلو تلاقي الدنيا عكت .... في ناس كدة سبحان الله ربنا مش كاتبلها السعادة اللي بجد .... مش كاتبلها الحاجة الحلوة لاخرها .... بس بيصبرهم شوية شوية .... كمان عجبني اوي المزج بين الواقع والرواية بين قصة طه واشجان ونغم واحمد .... النهاية كانت جميلة لكن ليه تيمة الحب المستحيل معاه سعادة ... يعني نادر وسما بيحبوا بعض وهيتجوزوا بس من غير اطفال وطه واشجان زي ما يكون مش مكتوبلهم انهم يتقابلوا في هذه الحياة .... تحس انك فعلاً بتكتب عن الواقع اللي عمره ما بيكمل ويبقى حلو... تحس ان الالم مكتوب علينا كلنا ..... انا طولت عليك .... بس رواية روعة جدا جدا جدا

  • NoNy
    2018-11-06 16:56

    )) الريفيو دا بيحرق الرواية )).........نجمة عشان الاسلوب الحلو و نجمة عشان فكرة القصتين جوا بعضغير كدا هي قصة تقليدية جدا و دا احساسي الشخصي بصراحة .. قصة حب .. حب ثانوي الافلاطوني اللي عامل زي الخيال.. اللي فيه جري تحت المطر .. و كلام حلو يخلينا نقول الله هو في كدا .. و شوية جنان .. وهدايا تعبر عن حاجات كبيرة و الكلام دا .. طه حب اشجان .. اشجان مسيحية .. قالتله انها انتحرت عشان تبعده .. و بعد 17 سنة حست بالذنب و جت تصلح غلطتها على انها حنين .. طه بيتغير و يقرب منها .. وسط احداث كتير في النص و شوية عقد صغيرة مع اصحابه .. بعد كدا في فصل واحد لا دا في صفحتين قدام بعض كل العقد بتتفك .. طه يرجع يلحن و يخمن انها اشجان مش حنين و نادر يخطب سما و يتصالح طه على غادة و الطيب و ولاد الطيب يتصلح حالهم .. هنا القارئ بيتاكد بنسبة 100% ان طه هايموت في الاخر .. حالة السعادة الغريبة اللي سيطرت على الفصل دا لازم يتبعها نكد بشدة طبعا .. بس النكد يجي ازااااي ؟ يظهر واحد لا اعلم جاء من اين بيقول ان طه مديونله و بيهدد بالانتقام .. و في الاخر طبعا بيموته قبل ما يحقق حلمه مباشرة .. طيب ما الراجل دا كان ممكن يظهر في مشهد صغنن كدا في الاول بس عشان متباش متمثلة كدا .. وليه طه يموت اصلا .. ما والله ممكن يحقق حلمه و يتجوز اشجان عادي .. مش لازم يتنكد علينا عشان نقول انها قصة حلوة .. في الاخر يعني هي مش بطاله و ممكن اقرا للمؤلف تاني على امل اني الاقي الموضوع تتطور :)

  • Omar Abd
    2018-11-06 13:13

    بص مبدئيا انا مش عارف اقول ايه ومش مستوعب هقول ايه اصلا :)طـــــه الغريب من الاسم استنتجت حاجات كتيره والحمد لله مش كلها صح مفيش غير حاجه واحد هي اللي صح وهو الاسم قلت ان مش ده اسمه الحقيقي :Dهبدا بالترتيب اول حاجه انا معرفش ازاي مقرتش الروايه دي الاول وازاي مقرتش ليك قبل كدا غير هيبتا بس واتحمست اكتر اني اقرا بضع ساعات هابدأ بقي ف الروايه من نفسها الروايه تستاهل 5/5 ولو ف اكتر ف الراتينج كنت اديت ****************************************************************************************************احداث القصه تشبهني لحد ما ف حاحات كتيره لقيت نفسي في شخصيه طه لقيت استسلامي لقيت اني مبعرفش اقوم بسهوله لما اقع من مشكله عرفت ازاي اقوم واصلح من نفسي وابدا من تاني خلتني وانا بقرأ اقول ايوه صح انا ده ف الجزء ده انا فكرت ف كدا كمان انت عرفت توصل احساسك للي بيقرا زي حاللاتي :) خليتني فرحان وخلتني اعيط خلتني مش فاهم حاجه وايه الشخصيتين دول ايه جابهم هنا وانا مش فاهماسلوب الروايه المشاعر اللي طلعتها حسيت ف لحظات انك بتتكلم عن نفسك برده انك بتحاول توصف اللي بتحسه وده فمهمته من الاخر برده واتاكد ****************************************************************************************************بجد روايه عبقريه حبيتها جدا من حيث اللغه الفصحي اللي ابدعت فيها وسهوله المعاني ووصفك لاشجان ووصفك لكل واحد فيهم برده *********************************انت بجد عبقري يارب تكمل وتفضل ناجح طول عمرك وتدهشني بروايتك العبقريه كفايه انك بتعرف تخرج المشاعر اللي جوايا لما قريت طه الغريب ولما قريت هيبتا وان مش من السهل حد يخليني ادمع او اعيط وانت عملت كدا من احساسك اللي ابدعت وعرفت توصله لينا ********************************************************وانا مبعرفش اعبر عن شكري وسعادتي ومستني الروايه الجايه

  • Ahmed Salah
    2018-10-21 18:13

    بدات فى 1 ص حتى 3 ص فى قعدة واحدة زى هيبتا اولى روايات محمد صادق قليل من المؤلفين تجد اسلوبهم متميز من اول رواية لةتعيش مع طة الغريب حالة متميزة من الشجن و الصراع النفسى بين الحنين الى الماضى و بين التقدم قدما فى الحياة نحية خاصة الى محمد صاق و الى طة الغريب وفى انتظار بضعة ساعات فى يوم ما

  • Dina M. Ezz
    2018-11-15 17:12

    انا مش من انصار " #هيبتا " وشيفاها تميل اكثر انها تكون سناريو فلم من الدرجه ال 2ولا من انصار " #انستا_حياه " الى هيا أسوأ ما انتج التاريخبس حقيقى مش عارفه ليه " محمد صادق " مصر يحط نفسه فى خانه " اسوا المولفين ع الاطلق " .. !! اللغه بتاعته فى كل رواياته ف الضياع , يعنى احنا ممكن نقترح عليه بعض اسماء لاشخاص يعملوله مراجعه لغويه عشان الاثار الجانبيه الى بتحصل للقارء لما يشوف دول مثلا { " كلمنى كما اكلمك " " انت تأمرنى يا طه " " طوال عمرك فنانه رائعه " " اوحشتنى " } -_-بالنسبه للفكره , الفكره هبله شويتن حب واحده مسيحيه وعشان ضغوطات اهلها والدين وى ... وى مكملوش , ادمر وساب شغله وبدأ يسهر ويشرب وما الى ذلك من جو الحزن بتاع الافلام :/ , هوب هيا تظهر تانى وتاخدها تحدى انها ترجعه لحياته تانى بس باسم واحده تانيه , وهوا عادى جدا حب عمره هيبقى قدامه 24 ساعه بيتكلم معاها " ويعيشوا سوا " ويخرج ويجى لمده 3 شهور ومش هيلاحظ ودا وهيا مش مغيره شكلها اصلا ! الى هوا صقفه للخيال العلمى من الحاجات الى استفزتنى حقيقي الجمله دى { " فلم يكن هناك بد من ان اكون تلك الشخصيه السيئه الرخصيه حتى تلفت انتباهه " } لا يا شيخه ! , احلفى ! -_-ومن الحاجات القليله الى عجبتنى هيا " حوار المهندس والروايه الى بيكتبها وان اسمها يكون " طه الغريب "يعنى خلينا نقول ان النهايه عجبتنى برغم كل شىء وان هيا الى لفتت نظرى بين كل الهراء السابقلذلك / نجمه للغلاف ونجمه للنهايه .. وبس "

  • Moamen Nasr
    2018-11-16 13:08

    لأول مرة في حياتي أنهي رواية في سويعات قليله فبها شئ سحري يجعلك تكملهاأيا كانت الظروف المحيطة بك .. أحييك علي ذلك كثيرا.بكيت كثيرا و تألمت أكثرنسيت أن أخبركم أنها أول مرة في حياتي أقرأ رواية رومانسية لكني رأيت شئ مختلف بعيدا عن الروايات الرومانسية التقليدية.قبل تغير طه تذكرت الأبيات الآتية:يا من هــــواه أعــــزه وأذلـنيكيف السـبـيـل إلى وصـالك دلـنــيتركـتـني حيـران صـباً هــائمــاًأرعى النجوم وأنت في عيش هنيووصلتني حتي ملكت حشاشتيورجعت من بعد الوصال هجرتنيالهجر من بعد الوصال قطيعة فياليتك قبل الوصال قد أعلمتنيأنت الذي حلفتني وحـلـفـت ليوحـلـفـت أنك لن تـخـون فخـنـتـنيوحلفت أنك لا تميل مع الهـوىأين اليـمـيـن وأين مـا عـاهـدتـنـيفلأقعـدن على الطـريـق وأشتكيكشبيه مـظـلــوم و أنت ظـلمـتـنيولأدعون عليك في غسق الدجىيـبـلـيـك ربي مـثـلـمــا أبلـيـتـنــيوبعد تغير طه تذكرت هذه الأبياتبلغوها إذا أتيتم حماها أنني مت في الغرام فــــداهاواذكروني لها بكل جميل فعساها تبكي علي عــــساهاواصحبوها لتربتي ، فعظامي تشتهي أن تدوسها قدمــــاهالساني يعجز عن إيجاد الكلمات لوصف حالتي أو عن كتابة ريفيوولكم كثيرا احتراماتي :)

  • Miar Elkheshen
    2018-10-20 18:23

    الرواية رائعةاحزنتنى كثيراوالغريب أنى لم ابكى بل كنت كل مرة أوشك على البكاء فقطقرائتها وانا مستمتعة جدا لدرجة انى لم اقدر أن اتركها***********اشفقت كثيرا على طه وحزنت عليه جداوكرهت اشجان فى لحظات الذكريات..أسلوب الكاتب أكثر من رائعمشوق ويجعلك تلمس أحزان طه الغريبانا سعيدة انى قرائتها حقا

  • Mayar Ahmed
    2018-11-03 19:15

    أنا مش عارفة ازاي أنا كنت مترددة اقرأها طول المدة دي..اولاً دور طه الغريب حسيته لايق جدا على "أحمد حاتم" مش عارفة ليه بس من اول صفحة وأنا متصوراه هو وحسيت الدور لايق عليه جدا إنه يكون طه الغريب ..محمد الطيب بالنسبة ليا كان "إدوارد" و نادر كان "أحمد داوود" بما إنها كانت عجباني جدا تمنيت انها تتعمل فيلم وبعدين رجعت في كلامي لأن الأفلام بتفقد الرواية حلاوتها وتظلمها جدا..تقريبا دي تاني مرة أكتب review و أول مرة يكون طويل كده ..من كتر انبهاري مقدرتش امنع نفسي اني اكتب الكلام ده..

  • إسراء فكري
    2018-11-06 19:16

    ــهييييييييييييح ( تنهيدة) و دي كانت ردة فعلي بعد ما خلصت الرواية أنا جايبها ع السمع بس الصراحة ، و لما شوفتها شدنِّي " الغُلآف " ..أسود و بتاع ^_^ و من الحاجات اللِّي شدتني كمان كانت :الكلمتين اللِّي كلهُم غموض ورا دول !!طــه الغرِيَب المولود الأول ل مُحمِّد صادِْق .. و اللِّي كانت فتحة خير عليه و كتب بعدُها :بضـــع ساعــــات في يــــوم مـــا و بعدين هيبتاأول ما بداءتها لقيتني خلصت 136 صفحة ف أقل من ساعتين رواية طه الغريب .. لو بصتلها من فوق تحس إنها عادية ، بس لو تعمقت فيها و حسيت إنك سامعها بصوت و سامع ضحكهُمـ وحاسس حزنهم و وجعهُمـ و سامع آهاتهُمـ و كلآمهم و و و و حاجات كتير أاوى ، هتعرف قد إيه ساحرة و إنك مهما قريتها فا في كل مرة هتحس إنك تخيلت أشخاص مختلفين و أماكن تانية و كإنك بتقراها لأول مرة و ده اللِّي بيفرق من كاتب للتاني :))ـ الرواية دي جبتها في يومـ مُميز عندي و ده كفيل إنها تبقي مميزة بالتبعية :'D مركز قوة الكاتب هو وصف المشاعر (الحالة) .. وصف مشاعر كل شخصية بإتقان فـ يبهركـ ..يمكن أختلف مع رأي ناس كتير ....بس الرواية كانت هتبقي بيرفكت فعلاً لو مكنتش النهاية كده :'((و طبعاً عجبتني مقتطفات كتيير بس مش هقولها بقه علشان محرقهاش ^_^عمل يستحق كُل التقدير و إننا ننتبه ليه و نرفع لُه القبعة بجــد (y)إجتماعي - رومانسي - واقعـيإسمه محمد صادق و هو فعلاً صادق فـ كل المشاعر اللي وصلها لينا من خلآل طه الغريب > متحيرة بين 4و 5 نجوم ، بس ممكن 4 نجوم و نُص :)أول ما قرأت لـ محمد صادق ?و مُش ناوية يكون الأخير باذن الله آها أنا قراءتها ..مرتين.. :D

  • Ebraheem Omar
    2018-10-19 10:56

    الصراحه مش عارف اكتب اقول ايه عن الروايه دى تالت روايه اقراها لمحمد صادق عن الاسلوب فهو اسلوب مشوق الصراحه يخليك عاوز تقراها كلها و متسبهاش من ايدك و دى حاجه قليل اوى من الكتاب اللى يقدر يشوقنى بالاسلوب بتاعه كده نقول نجمه على الاسلوبعن اللغه ف كانت لغه طفوليه اوى و ده راجع لانها الروايه الاولى للكاتب ف من الوارد ان تكون فيها اللغه ضعيفه بس ف طه الغريب كانت ضعيفه اوى مره يتكلم فصحى و مره عاميه و كلام المفروض يبقى بالعامميه يتقال بالفصى ف موضع غير موضعهعن فكره الروايه بقى ف بغض النظر عن الكأبه اللى فى النهايه و الامل اللى موجود ف شخصيه طه ف الاخر ده كان شىء حلوبس كانت فكره تقلديه جدا صداقه منذ الصغر و حب الثانوى اللى بيكبر و بيبقى حب شبه افلاطونى من هنا احب اقول ان مش منطقى خااااااااااااااااااااااااااااالص انى اكون بحب واحده بالمنظر ده و معرفهاش لما اشوفها بعد كام سنه حتى لو كان شكلها اتغير محدش شكله بيتغير اووى لدرجه انى معرفهوش الا لظروف قهريهفبالتالى الفكره محبتهاش اوى او مقتنعتش بيها اوى و عن تداخل قصه احمد سالم و نغم بالغرم انى حسيتها حشو للروايه بس عجبتنى ف المجمل الروايه معقوله بس مش هاقدر اديها اكتر من نجمتين مستتنى الجديد بقى بعد هيبتا:)

  • Heba Mostafa
    2018-11-05 12:10

    قرأتها ف المواصلات ومن خجلى من ركاكة اسلوبها كنت خايفة يكون حد من الشعب المصرى العظيم بيقرأها معايا :D

  • Nourah Kadri ღ
    2018-11-03 18:24

    لا أجد وصفا لهذه البراعة حقا !!"لأن هذه القصة إعدام لجزء مهم جدا في .. إنها قتل للخيال ..و ضعفه أمام خصم شديد و هو الواقع إنها اعتراف منى بان الواقع ينتصر .. دائما ينتصر "" أننى أحتقرهم جميعا .. أحتقرهم لسطحيتهم و برود مشاعرهم .. أحتقر كل من سمح بقتل شيء جميل داخله ليستمر في هذه الدنيا كما يريدها الناس أن تكون .. كلهم يسعون لأن يعيشوا فقط .. لا داعى للأحلام لأنها لا تؤكل العيش .. فتجدين نفسك بلا أية ميزة إلا أنك كررت مسيرة حياة كل من سبقوك "أكاد لا أصدق انها المولود الأول لمحمد صادق من روعة الأسلوب لسلاسة الحوار و تداخل الاحداث كم لعبت بمشاعرى لقد أصبحت جزءا لا يتجزء من هذا الاحداث و حزنت كثيرا عدما انتهت الرواية أول رواية تبكينى بشدة في نهايتها كم تمنيت نهايتها ان تكون سعيدة و لكن خرجت الرواية في افضل صورة كما يجب ان تكون محمد صادق يبهرنى كالعادة في كل رواية اقرأها له

  • Aya Ibrahim
    2018-10-18 16:57

    "هذه قصة أي حلم اختبأ خلف الواقع"عندما بدأت بالرواية كان عندي شك بأنها ليست على المستوى الذي تعودته من الكاتب محمد صادق لأنها مولوده الأول، لكن لا بد أن اعترف بأنها أفضل ماكتب!!قاومت رغبتي بالبكاء وانا أقرأ طه الغريب.. تمتلئ عيناي بالدموع وأمنعها من الانهمار، لكنها خانتني عند الموت، وكأنني توحدت بطه الغريب وواجهت الموت بدموعي كما واجهه..كنت أحاول أن أقنع نفسي بأن الحب شيء ثانوي وللحلم الأولوية في حياتي ولكن طه علمني أن الحلم لا يمكن أن يصبح واقعاً إلا بالحب ..."هذه القصة إعدام لجزء مهم فيي .. إنها قتل للخيال .. وضعفه أمام خصم شديد وهو الواقع .. إنها اعتراف مني بأن الواقع .. ينتصر .. دائما ينتصر"

  • Hussien Ali
    2018-11-07 17:09

    فى ناس كتير مش هاتصدق لو قلت انى طة الغريب بالنسبالى احسن من هيبتا لاكن دة الى انا شفتة هيبتا حالة نادرة وجميلة جدا فعلا لاكن طة الغريب من احلى ما قرأت قصة فى غاية الروعة وهى كئيبة اة وكل حاجة لاكن من القصص الى بجد زعلت انى ماقرتهاش من زمان و وزعلت انى خلصتهاطة الغريب باختصار ماتستحقش 5 نجوم بس تستحق اكتر من كدة بكتير و فاضل كتاب واحد ( بضع ساعات فى يوم ما ) لمحمد صادق وبكدة اكون كملت كل روايات أ/ محمد صادق الكاتب الى بيخليك تعيش جوة القصة و النهاية بتبقى مفجاة زى ما حصل مع هيبتا و طة الغريب من اجمل ماقرأت و من احسن الناس الى قريتلهم ( أ / محمد صادق (

  • Esraa Adel
    2018-10-31 11:59

    صراحة كان بداخلي شك أن ما كتبه محمد صادق قبل هيبتا سيكون مستوى كتابته أقل حيث ان مستوى الكتابة يتحسن مع كل كتاب يصدرولكني حين التقيت بطه الغريب ووجدتني في الصفحة ال110 دون ان اشعر بمرور الوقت او بقرائتي للكثير علمت بمدى روعتها وادركت خطأي في حقها حين اصدرت حكما انها لابد ستختلف عن هيبتا فانا ارى الان كل منهما تختلف عن الاخرى في روعتها رواية سلسة وبسيطة وجميلة بكل ما فيها وكلما اقتربت من نهايتها زاد اصراري على منحها خمسة نجوم حتى قتل طه وبالرغم من علمي ان نهاية الرواية اذا اصبحت بتغيير طه الغريب و ارتباطه باشجان كانت ستكون نهاية تقليدية بحتة وبالرغم من تأثر احمد سالم لموت طه وتفسيره لسبب موته الا اني لم اتقبله فقد عاش طه سبعة عشر عاما على ذكريات حبيبة ماتت ألم يكن له بعض الحق ان يتذوق طعم السعادة ثانية؟نعم هو مات مستريحا كما قالوكما قال احمد سالملأن هذه القصة إعدام لجزء مهم جدا في .. إنها قتل للخيال .. وضعفه أمام خصم شديد وهو الواقع .. إنها اعتراف مني بأن الواقع ينتصر .. دائما ينتصرنجح محمد صادق في هذه النقطة في توضيح وجهة نظره وجعلها رواية واقعية حتى لا يكون يسخر من عقول قارئيه وربما تلك النقطة تحسب له وليست عليه ولكني فقط تمنيت من داخل قلبي ان يبقى طه فحتى حب اشجان له الذي دام عشرون عاما بعد وفاته فلن يصل ماهما فعلت لاخلاصه لها في وقت تخلى فيه عن كل شئ ودمر حياته بنفسه فقد لانه لن يتمكن من ان يحيا بروحين اما عن الجملة التي توقفت عندها في الروايةاذا استطعت انت ان تهرب من الدنيا وتنتصر على نفسك بالهرب .. فاعلم ان هناك قوة اضافية أضيفت الى نفسك .. لن تجعل الهروب ينتصر ثاني ..وقبلته في رأسه من الخلف مكملة :ولتعلم أن هذه القوة هي أنا اما ولكم كثير احتقاراتي التي تراها حين تمسك الكتاب لأول مرة مكتوبة على الغلافوتتعجب كما فعلت انا فلن تعرف معناها الا حين تغوص في اعماق الرواية وتقتنع بها تماماانه يحتقر كل شخص ترك نفسه فريسة للضعف

  • محمود خواجه
    2018-11-08 13:21

    تحذير: الريفيو دا هيحرق الرواية!.. فـ لو حضرتك مقريتهاش متقراش الريفيو..لا أصدق أن تلك الرواية هى أولى أعمال الكاتب!؟.. اللغة سلسة.. السرد رائع، الحوار بداخله روح وهذا أفضل ما فيهالأحداث أغلبها غير متوقع.. وأيضاً هُناك من " مقدرتش أبلعه " مثال: مشهد جلال!، بالصدفة البحتة يظهر جلال خلف طه وحنين أو أشجان ونعرف أن طه مديون له بمال.. كان من الأفضل والأحسن أن تظهر ولو سطر تقول فيه أن طه مديون له بكذا وكذا! على الأقل كانت ستكون أكثر واقعية من وجهة نظرى..وللأسف، كنت أتوقع قتل طه بعد تهديد جلال له، الكاتب كان يود أن يقتله من البداية لذلك وضع مشهد فى المنتصف.. بالطبع هذا لا يقلل من روعة العمل.. بل أنا أحببت هذا العمل جداً جداً جداً.. (( قرأت للكاتب عملين " هيبتا" وهذا العمل الراقى، وأظن أن رواية "هيبتا" فى نفس مستوى تلك الرواية، لذا أنصح الجميع بقرائتها.. ))فلننتقل إلى رواية " بضع ساعات في يوم ما... "

  • Amgad Alaidy
    2018-10-22 15:15

    الرواية من يوم مابدات فيها مااقريتش فيها غير كام صفحة وكان تاني مره امسكها النهاردة خلصت الباقي كله ف جلسة واحدة الرواية جميلة اسلوبها سلس كلامات رشيقة بسيطة ولكنها كئيبة او موجعة الي حد ما و فيها كثير من الواقع وك أول عمل للكاتب فتعبتر رائعة

  • فاطمه الصباحي
    2018-10-29 17:05

    رغم لغتها التي تشعرك في بعض الأحيان أن كاتبها صغير السن لم يتمكن بعد من قلمه إلا أنها قصة تشدك لتكملها حتى النهاية

  • Hamssa Adel
    2018-10-25 15:22

    اخيرا قررت اقراها .. الغريب انها اول عمل للكاتب قصه تقليدية بإسلوب غير عادى رغم سلاسة اللغه والحوار .. تفاصيل بسيطة واحداث سريعه لكن بدون استعجال .. كلها مضبوطه بالمليم

  • Ethar Moussa
    2018-11-06 11:12

    نجاح الرواية بالنسبالي بقيسه بمدى قدرة الكاتب على انه ياخدني جوه الرواية ويعزلني عن اللي حواليا واحس بالفقد وانا بودع ابطالها في اخر صفحات الرواية .. والكاتب نجح في ده جدا، قدر يخليني اتأثر بكل شخصية واحس انهم اشخاص حقيقين في حياتي واحس باني حزينة وانا بنهي الرواية ..عجبني في الرواية انها قايمة على الخيال من البداية يعني متفقين من البداية ان مينفعش تاخد على الكاتب انه كان خياله واسع شوية .. انت بدأت فيها ومتوقع انك هتقابل مواقف بعيدة تماما عن الواقع .. وده اللي احنا احيانا بنبقى محتاجينه، محتاجين اللي ياخدنا في عالم تاني ويبعدنا عن الواقع حتى لو لساعات..عشت معاها ساعات من الخيال في عالم بعيد عن المنطق والعقل والواقعلكن كان خيال رائع ومشوق فعلا، محستش بالملل للحظه ، بالعكس، مقفلتش الرواية غير لما خلصتها وانا في غاية الحزن على فقدان الحالة اللي عيشت فيها..مش مهم يكون اسلوب الكاتب قوي علشان تبقى الرواية ناجحة المهم انه يخليك تفتقد الحالة اللي عيشت فيها طول ما انت بتقرأها

  • شروق شافعي
    2018-10-27 15:01

    "أحتقرهم لسطحيتهم وبرود مشاعرهم.. أحتقر كل من سمح بقتل كل شيء جميل داخله ليستمر في هذه الدنيا كما يريدها الناس أن تكون.. كلهم يسعون ﻷن يعيشوا فقط.. لا داعي لﻷحلام ﻷنها لا تؤكل عيش.. فتجدين نفسك بلا أي ميزة إلا أنك كررت مسيرة حياة من سبقوك.. وعندما تحلمين تجدين ألف من يخبروك بأنك بلا فائدة ..وكل ما تفعلينه هراء في هراء..ودعك من الأوهام وادخل الواقع.. كأنهم كلهم فهموا فلسفة الكون وأنت الأبله الذي مازال يحلم كطفل.. احتقر كل من أصبح مثل أي شخص آخر بلا ميزة.."

  • Mãñøshã Eßrãhëm
    2018-10-22 12:59

    طة الغريب ♥تانى تجربة مع المبدع محمد صادق ’’ بجد مش لاقية كلام يوصف الرواية لكنى حزينة ان روايات المبدع محمد صادق بتخلص ع طول ’’ حزينة ان الرواية خلصت ’’ ومتشوقة اوى لقراءة العمل التالت بضع ساعات فى يوم ما ’’ فى تقدم دائم يا مبدع ’’

  • Manal Elrayes
    2018-11-03 18:24

    هو صحيح انا مش بحب الروايات الرومانسية بس عجبتنى جداا بسبب اسلوب المؤلف قوى و يجذب القارئ من اول صفحة من الرواية و كمان الرواية كمجمل رائعة لقوة مزج خيالها طول الرواية مع منطقية نهايتها الرواية

  • Ahmed Adel
    2018-10-26 14:03

    الرواية أثرت فيا قوي بشكل عمري مارتوقعته، وعجبتني كمان أكتر من هيبتا بكتير، رغم فرق الشهرة طبعا

  • محمد مختار
    2018-11-04 18:58

    رواية حلوة أوى تحتوى على الكثير من المشاعر الرقيقة